У інтэрвію нямецкаму выданьню Die Welt яна адзначыла, што на фоне ўсё больш агрэсіўнай палітыкі Расеі Аўстрыя мусіць укладацца ў уласную абароназдольнасьць і міжнародныя партнэрствы.
«Мы ня можам проста адкінуцца на сьпінку фатэлі і думаць: калі мы нікога не чапаем, то і нас не крануць. Гэта наіўна», — сказала яна.
Майнль-Райзынгер лічыць карыснай грамадзкую дыскусію пра будучыню Аўстрыі ў сфэры абароны, уключна з магчымасьцю ўступленьня ў NATO, хоць цяпер большасьць у парлямэнце і сярод жыхароў краіны такую ідэю не падтрымлівае.
Аўстрыя абвясьціла пра свой нэўтралітэт у 1955 годзе пасьля вываду войскаў саюзьнікаў. Нэўтральны статус замацаваны ў Канстытуцыі краіны. Пры гэтым Аўстрыя супрацоўнічае з NATO праз праграму «Партнэрства дзеля міру».
Паводле апытаньня 2023 году, супраць уступленьня ў NATO было 60% аўстрыйцаў.
Форум